Գյուղերում շարունակվում են գիշերային լուսավորության ուղղությամբ տարվող աշխատանքները
Տեղական բյուջեի երկրորդ փուլի ֆինանսավորմամբ Նինոծմինդայի մունիցիպալիտետի ևս 4 գյուղ կունենան գիշերային լուսավորություն:
Մուշեղ Փութուլյանին պատկանող շինկազմակերպությունը 5201 լարիի դիմաց կտեղադրի գիշերային լուսավորության լամպեր Եփրեմովկա գյուղում, որտեղ ընդհանրապես գիշերային լուսավորություն անցկացված չէր, իսկ Փոքր Գոնդուրա, Ղուլալիս գյուղերում շատացվելու են գիշերային լամպերի քանակը:
Տեղական բյուջեից հատկացված 3177 լարիի դիմաց կտեղադրվեն 24 լուսավորության լամպեր նաև Գանձա գյուղում: Գանձա գյուղում լուսավորության աշխատանքները իրականացնելու է Սիսակ Այվազյանին պատկանող ընկերությունը:
Հիշեցնենք, որ այս տարի բացի վերոնշյալ աշխատանքներից, 88,887 լարիի դիմաց Ուչմանա, Ղաուրմա, Թորիա, Փոքր Արագյալ, Մեծ Խանչալի, Կաթնատու և Օրլովկա գյուղերում արդեն անցկացվել է գիշերային լուսավորություն: Իսկ ևս 6 գյուղերում շատացվել են գիշերային լուսավորության լամպերը:
Մանրամասների մասին զրուցեցինք Ենթակառուցվածքների զարգացման ծառայության ղեկավար Ռուբեն Ղազարյանի հետ.
Գարուշ Արզումանյան