Վրացի ավտոդիլերները նվազեցրել են մեքենաների ներմուծումը՝ թանկացած մաքսազերծման պատճառով

Թանկացած մաքսազերծման պատճառով վրացի ավտոդիլերները հրաժարվում են ռեէքսպորտի համար մեքենաներ ներմուծելուց։

Ավտոիմպորտողների ասոցիացիայի ղեկավար Ալեքսի Նոնիաձեի խոսքով՝ մաքսազերծման նոր կանոնների հետևանքով տեղական ավտոդիլերներն այլևս գրեթե չեն ներմուծում 6 տարուց ավելի հին ավտոմեքենաներ նույնիսկ ռեէքսպորտի նպատակով։

Նրա խոսքով՝ կա վտանգ, որ մեքենաները սահմանված ժամկետում արտերկրում չեն վաճառվի, և դիլերները ստիպված կլինեն դրանք մաքսազերծել բարձր սակագնով։ Այս իրավիճակից օգտվում են օտարերկրյա դիլերները՝ տեղացիներին մեքենաների դիմաց զգալիորեն ավելի ցածր գին առաջարկելով։

Վրացի ավտոդիլերները նվազեցրել են մեքենաների ներմուծումը՝ թանկացած մաքսազերծման պատճառով

Ավտոիմպորտողների ասոցիացիայի ղեկավար Ալեքսի Նոնիաձեի խոսքով՝ նախկինում վրացի դիլերները, եթե չկարողանային մեքենան վերաարտահանել, այն կարող էին վաճառել ներքին շուկայում, սակայն այժմ դա գրեթե անհնար է դարձել։

Նրա խոսքով՝ օտարերկրյա գնորդները սպասում են, մինչև վրացի դիլերը հայտնվի ֆինանսական ճնշման տակ, ապա առաջարկում են մեքենան գնել շուկայականից զգալիորեն ցածր գնով։

Նոնիաձեն նշում է, որ խնդիրը վերաբերում է թե՛ մինչև 6 տարվա, թե՛ ավելի հին ավտոմեքենաներին։ Նրա գնահատմամբ՝ բարձր մաքսազերծման վճարների պատճառով ներմուծումը դարձել է ոչ շահավետ և ռիսկային, ինչի հետևանքով կրճատվել են ինչպես մեքենաների ներմուծումը, այնպես էլ վերաարտահանումը։

Ըստ Վրաստանի վիճակագրական ծառայության տվյալների՝ 2026 թվականի հունվար-հունիս ամիսներին ավտոմեքենաների ներմուծումը տարեկան կտրվածքով նվազել է 12.3%-ով, իսկ արտահանումը՝ 21%-ով։

---

---