Նոյեմբերի 26-ին Թբիլիսիում կկայանա «Մանկական Եվրատեսիլ-2017» մրցույթի եզրափակիչ փուլը

«Մանկական Եվրատեսիլ-2017» միջազգային երգի մրցույթի եզրափակիչ փուլը կկայանա այսօր՝ Թբիլիսիի Օլիմպիական պալատում:

Ինչպես նշում են վրացական լրատվամիջոցնեը, այս տարի առաջին անգամ «Մանկական Եվրատեսիլ»-ի հաղթողի ընտրության գործընթացի վրա կարող են ազդել նաև հեռուստադիտողները:

Առցանց քվեարկությունը մեկնարկել է նոյեմբերի 24-ից՝ մրցույթի պաշտոնական կայքում, որտեղ հեռարձակվում են մասնակիցների փորձերը:

Քվեարկությունն ավարտվելու է վերջին մասնակցի կատարումից 15 րոպե հետո: Արդյունքում` փոքրիկ հաղթողի ընտրության հարցում որոշիչ կլինեն հեռուստադիտողի քվերակությունն ու ժյուրիի որոշումը:

Հիշեցնենք, որ այսօր բեմ են դուրս գալու 16 երկրի՝ 9-14 տարեկան ներկայացուցիչները: Մրցույթը կբացի Կիպրոսի ներկայացուցիչ Նիքոլ Նիկոլաուն, մինչդեռ շոուն կեզրափակվի Իտալիայի 13-ամյա ներկայացուցիչ Մարիա Իսիդա Ֆյորեի կատարումով:

---

---