Թուրքիայում անտառային հրդեհը հասել է տներին և ավտոմայրուղուն
Թուրքիայի Անտալիա նահանգում բռնկված անտառային հրդեհը տարածվել է դեպի բնակելի տարածքներ և հասել ավտոմայրուղուն։ Այս մասին հայտնում են թուրքական լրատվամիջոցները։
Հրդեհը բռնկվել է Անտալիայի Աքսու շրջանում։ Ուժեղ քամու պատճառով կրակը արագ տարածվել է և հասել հարակից բնակավայրեր։
Նախնական տվյալներով՝ առնվազն մեկ բնակելի տուն ամբողջությամբ այրվել է։ Հրդեհի հետևանքով զոհերի կամ տուժածների մասին տեղեկություններ այս պահին չկան։
Կրակը տարածվել է նաև ավտոմայրուղու հատվածում։ Դեպքի վայրում աշխատում են հրշեջ-փրկարարական ծառայությունները՝ փորձելով վերահսկողության տակ վերցնել հրդեհը։
Opinion, pooling and voting
