Ժդանովականի վարձակալած դպրոցը ունի նոր տնօրեն
Նինոծմինդայի մունիցիպալիտետի Ժդանովական գյուղի վարձակալած դպրոցը ունի նոր տնօրեն այս մասին տեղեկանում ենք Ժդանովի դպրոցի ֆեյսբուքյան էջից։ Ըստ հրապարակված տեղեկության դպրոցի տնօրենը Լուսինե Գասպարյանն է։
«Շնորհավորում ենք մեր սիրելի տնօրեն` Լուսինե Գասպարյանին տնօրենի պաշտոնում վերընտրվելու կապակցությամբ։
Մաղթում ենք բեղուն աշխատանք և
անսպառ ուժ։ Հարգանքներով՝ Ձեր մանկավարժական անձնակազմ, աշակերտներ և ծնողներ»,- գրված է էջում։
Հիշեցնենք, որ դպրոցի շենքը 2024 թվականի սեպտեմբերի 24-ին՝ ուսումնական տարվա մեկնարկից 8 օր անց հայտարարվել էր վթարային և մինչ օրս փակ է։ Այնուհետև աշակերտները հաճախում էին Սամեբայի հանրային դպրոց, սակայն 2025 թվականի հունվարի 15-ին արդեն Ժդանովականի հանրային դպրոցի աշակերտները տեղափոխվել էին գյուղ՝ դասերը գյուղում շարունակելու համար։ Դասերը շարունակվում են վարձակալված տներում առ այսօր։ Ժդանովականի դպրոցը, ունի մոտ 90 աշակերտ։
NOR ռադիոկայանը բազմիցս է լուսաբանել և անդրադարձել բնակիչների բողոքներին տվյալ խնդրի առընչությամբ։
Վրջերս NOR ռադիոկայանի հետ զրույցում քաղաքապետ Անիվարդ Մոսոյանը անդրադարձել էր Ժդանովականի դպրոցին ասելով, որ հատկապես Ժդանովականի դպրոցի հարցը բազմիցս բարձրաձայնել և ներկայացրել է համապատասխան կառույցներին և եթե մունիցիպալիտետում կառուցվեն դպրոցներ առաջինը կլինի Ժդանովականում։
Քանի դեռ աշխարհի որոշ երկրներում կրթական համակարգը շարունակաբար զարգանում և առաջընթաց է ապրում, մեր տարածաշրջանում տարեցտարի փակվում են դպրոցներ։
Opinion, pooling and voting
