Վրաստանը խստացնում է վարկերի տրամադրման կանոնները

Ըստ Վրաստանի ազգային բանկի հայտարարության՝ Ֆինանսական կայունության կոմիտեն 2027 թվականի փետրվարի 1-ից խստացնում է վարկի մարման գումարների սահմանափակումները այն ֆիզիկական անձանց համար, որոնց ամսական եկամուտը կազմում է մինչև 2000 լարի։

Ներկայումս վարկի մարման սահմանափակումները վերաբերում են մինչև 1500 լարի եկամուտ ունեցող անձանց. նրանց վարկի ամսական մարումները չեն կարող գերազանցել այդ գումարի 25%-ը։

«Այս փոփոխությունը նպաստում է վարկառուների չափից ավելի պարտավորվածության ռիսկի նվազեցմանը և ամրապնդում ֆինանսական համակարգի կայունությունը», – նշված է Վրաստանի ազգային բանկի Ֆինանսական կայունության կոմիտեի որոշման մեջ։
Կոմիտեն պարզաբանել է որոշման հիմնավորումը։

«Վերջին տարիներին տնտեսական արագ աճի ֆոնին աշխատավարձերն ու այլ անվանական ցուցանիշները զգալիորեն աճել են. հետևաբար, գործող ֆիքսված շեմերն այլևս համարժեքորեն չեն արտացոլում վարկառուների եկամուտների և պարտքային բեռի ներկայիս բաշխվածությունը», – հայտնել են Կոմիտեից։
Կոմիտեն կարծում է, որ եթե շեմերը մնային անփոփոխ, վարկառուի՝ եկամտային մեկ կատեգորիայից մյուսին անցումը կարող էր պայմանավորված լինել հիմնականում անվանական եկամտի աճով, այլ ոչ թե նրա փաստացի վճարունակության կամ ռիսկի պրոֆիլի էական փոփոխությամբ։

«Այսպիսով, շեմերի թարմացման նպատակն է՝ համապատասխանեցնել վճարում/եկամուտ (PTI) հարաբերակցության կարգավորումը տնտեսական ներկայիս պայմաններին՝ միաժամանակ պահպանելով մակրոպրուդենցիալ քաղաքականության ընդհանուր ուղղվածությունը», – ասված է հայտարարության մեջ։
Կոմիտեն որոշել է փուլ առ փուլ բարձրացնել պարտքային բեռի շեմը. սահմանաչափը 2027 թվականի փետրվարի 1-ին կդառնա 2000 լարի, իսկ 2027 թվականի սեպտեմբերի 1-ին՝ 2500 լարի։ Վրաստանի առևտրային բանկերի կողմից 2026 թվականի օգոստոսին տրամադրված վարկերի ծավալը նախորդ ամսվա համեմատ աճել է 836,34 միլիոն լարիով (1,11%)՝ սեպտեմբերի 1-ի դրությամբ հասնելով ընդհանուր 76,45 միլիարդ լարիի։
Օգոստոսի ընթացքում ռեզիդենտ տնային տնտեսություններին տրամադրված վարկերի ծավալն աճել է 1,28%-ով կամ 518,8 միլիոն լարիով՝ սեպ

---

---