Քվարելիում դպրոցականներին տեղափոխող միկրոավտոբուսը վթարի է ենթարկվել
Ճանապարհատրանսպորտային պատահար Քվարելիի մունիցիպալիտետում։ Վթարին մասնակցել է Չանթլիսկուրե գյուղից Ախալսոփելիի թիվ 1 հանրային դպրոց տանող 15 աշակերտ տեղափոխող միկրոավտոբուս։
Վթարը տեղի է ունեցել Ախալսոփելի գյուղի մուտքի խաչմերուկում։ Միկրոավտոբուսը բախվել է մեքենայի։
Վթարի հետևանքով մեկ աշակերտ ստացել է դաստակի կոտրվածք, իսկ մեկը՝ անրակի ոսկորի։
Երեք աշակերտ 112 բրիգադը տեղափոխել է կլինիկա։ Մնացած աշակերտներին ծնողներն ու անցորդները տեղափոխել են բժշկական հաստատություն։
Դեպքի վայր է ժամանել Քվարելիի կրթական ռեսուրս կենտրոնի տնօրեն Քեթևան Չիպաշվիլին։
«Բոլոր երեխաներին զննել են բժիշկները։ Նրանք, ովքեր նույնիսկ աննշան ցավ էին զգում, տեղափոխվել են կլինիկա՝ լիարժեք հետազոտության համար», – ասել է Չիպաշվիլին։
Դեպքի վայրում են եղել ոստիկանությունը և 112 բրիգադը։
Դեպքի մասին տեղեկացվել է նաև Վրաստանի կրթության, գիտության և երիտասարդության նախարարությունը։