Զուրաբ Ժվանիայի անունը կրող ուսումնական կենտրոնում անցկացվեցին վրաց լեզվի քննություններ
Փետրվարի 2-ին Նինոծմինդայի մունիցիպալիտետի Զուրաբ Ժվանիայի անունը կրող ուսումնական կենտրոնում անցկացվեցին վրաց լեզվի քննություններ:
Քննությունը հանձնում էին հինգ խմբեր: Խմբերից երեքը հանձնում էին լեզվի իմացության А2 կարգի, իսկ երկուսը` А1 կատեգորիայի քննություններ:
Քննություն հանձնող անձանց թիվը կազմում էր 58: Նրանք հիմնականում տարբեր հաստատությունների աշխատակիցներ, բարձր դասարանների աշակերտներ և գործազուրկ անձինք էին:
Քննությունները անցկացվում են երկու փուլով` թեստավորում և հարցազրույց: Քննությունը ընդունում էին Քութաիսիի Զուրաբ Ժվանիայի անունը կրող լեզվի դպրոցի ներկայացուցիչները և Վրաստանի տարբեր բուհերից ընտրված քննական հանձնաժողովի անդամները:
Ներկայումս ուսումնական կենտրոնում գոյություն ունեն 17 խմբեր: Ժդանովական, Գորելովկա, Թորիա, Սաթխա, Փոկա, Գանձա գյուղում բացվել են 6-ական խմբեր:
Քննությունները հաջողությամբ ավարտելուց հետո դասընթացի մասնակիցները ստանում են վրաց լեզվի ուսուցման դասընթացը ավարտելու մասին վկայականներ:
Անահիտ Զալալյան