Եվրոպան կաջակցի Վրաստանին՝ Ռուսաստանի հետ երկխոսության հարցում. Լեհաստանի ԱԳՆ ղեկավար
Եվրոպական Միությունը կօգնի Վրաստանին Ռուսաստանի հետ տարածքային ամբողջականության վերականգնման մասին երկխոսության հարցում, եթե Վրաստանը ներքին քաղաքականության մեջ պահպանի եվրոպական չափանիշները: Այս մասին նշել է Լեհաստանի ԱԳՆ ղեկավար Ռադոսլավ Սիկորսկին՝ իր վրացական կոլեգայի՝ Մայա Պանջիկիձեի հետ հանդիպման ժամանակ, փոխանցում է РИА Новости-ին:
Ըստ նրա, նոր իշխանություններին բավարար չէ ուղղակի իրականացնել ասսոցացման և վիզային երկխոսությունների շրջանակներում առկա պահանջները: Անհրաժեշտ է նաև ներքին քաղաքականությունը «եվրոպական ոգով» վարել:
«Անհրաժեշտ է և առաջինը, և երկրորդը: Այդ ժամանակ ԵՄ-ն նախկինի պես կօգնի Վրաստանին Ռուսաստանի հետ իր երկխոսության ժամանակ, որպեսզի վերականգնեն տարածքային ամբողջականությունը»,- նշել է Սիկորսկին:
Վրաստանի Արտաքին գործերի նախարար Պանջիկիձեն երկուշաբթի օրը հանդիպել է Լեհաստանի մի շարք բարձրաստիճան այրերի հետ: Մայա Պանջիկիձեն որպես Արտաքին գործերի նախարար, առաջին անգամ է այցելել Լեհաստան:tert.am