Թբիլիսիում հայտնաբերել են ավելի քան 500 կգ անորակ միս

Վրաստանի սննդի ազգային գործակալության փորձագետները մսի շուկայում իրականացվող պարբերական շրջայցերի շրջանակում Թբիլիսիում հայտնաբերել են ավելի քան 500 կգ անորակ միս: Այս մասին գրում է Ալիք Մեդիա լրատվականը` հղում կատարելով Newsgeorgia.ge կայքէջին:

Գործակալության պաշտոնական էջում տարածված հայտարարությունում ասվում է, որ տեսուչները մայրաքաղաքի մեծածախ և մանրածախ առևտրի կենտրոններում հայտնաբերել են «Նոր միս» ընկերության անորակ մսեղենը: Նշվում է, որ մսամթերքի ծագումը կասկածելի է եղել, իսկ նրա պահպանման ժամկետը՝ անցած: Բացի այդ, ընկերությունը չի ներկայացրել անասնաբույժի կողմից կենդանու առողջական վիճակի մասին ծանուցում:

Սննդի ազգային գործակալությունը տուգանել է ընկերությանը` պարտադրելով ոչնչացնել ողջ ապրանքը:

---

---