Հերթական բարեգործական ակցիան Աշոտ Նորսոյանի կողմից Օրոջալար գյուղում

Ծնունդով Օրոջալար գյուղից Աշոտ Նորսոյանի ընտանիքը հայրենի գյուղի համար հատկացրել է 2400 լարի բարեգործական նպատակով:

Աշոտ Նորսոյանն ապրում Է Ռուսաստանի Եկատերինբուրգ քաղաքում, որտեղից իր եղբոր և որդիների հետ նվիրել է նոթբուք հայրենի գյուղի “Նարեկ” մանկապարտեզին, օգնել է մանկապարտեզի տանիքի վրա տեղադրել ջրահեռացման համակարգ և օգնություն տրամադրել նաև սոցիալապես անապահով 10 համագյուղացիների` սննդամթերքի տեսքով:

Աշոտ Նորսոյանն առաջին անգամ չէ, որ օգնում է իր գյուղին:

Նա Նոր տարվա նախաշեմին գյուղի մարզիկներին և մանկապարտեզի սաներին նվերներ էր ուղարկել, իսկ դպրոցի համար ուղարկել էր մարզական գույք:

Մանկապարտեզի վարիչ Նաիրուհի Չոբանյանի խոսքով` Նորսոյանը խոստացել է նաև մանկապարտեզում կապիտալ վերանորոգում իրականացնել:

Նվերներն ու օգնությունը հասցեատերին հասցնելու համար օգնեցին Աշոտ Նորսոյանի հարազատներից Կարինե Կաջոյանը և համագյուղացի Աշոտ Սողոյանը: Վերջինս նշեց, որ առաջիկայում ևս սպասվում են նման բարեգործական ակցիաներ Աշոտ Նորսոյանի կողմից:

Անահիտ Զալալյան

---

---