Հեշտիա գյուղում բացվեց մանկական սրճարան
Մարտի 7-ին “Տրփանջյան հիմնադրամի գյուղական համայնքների զարգացման ծրագրի շրջանակներում Հեշտիա գյուղում կայացավ անհատ ձեռներեց Գայանե Հովսեփյանին պատկանող հարսանեկան սրահին կից մանկական սրճարանի բացման արարողությունը:
Բացման հանդիսավոր արարողությանը ներկա էին ծրագրի ներկայացուցիչներ Զորայր Կիրակոսյանն ու Նարինե Գինոսյանը, ինչպես նաև Հեշտիա գյուղի բնակիչները իրենց երեխաների հետ: Միջոցառման ավարտին Միկիի և Պանդայի կերպարանք ընդունած դերասանները ուրախացրին երեխաներին իրենց պարերով և խաղով:
Ծրագրով մանկական սրճարանի ստեղծման համար հատկացվել է 20 հազար լարի գումար, որի շրջանակներում մեծացվել է հարսանեկան սրահի տարածքը և ձեռք են բերվել մանկական խաղային պարագաներ` բատուտ և սղարան:
“Տրփանջյան” հիմնադրամը Նինոծմինդայում գործում է 2009 թ.-ից: Այն անցկացնում է բիզնես-պլանների կազմման և մարքեթինգի դասընթացներ:
Դասընթացը յուրացնելուց հետո բնակիչները հնարավորություն են ստանում ստեղծել իրենց բիզնեսը` ցածր տոկոսով վարկ վերցնելով:
Մանրամասների մասին մեզ տեղեկացրեց “Տրփանջյան” հիմնադրամի ներկայացուցիչ Զորայր Կիրակոսյանը.
Գարուշ Արզումանյան
Opinion, pooling and voting
