Միասնական ազգային քննությունների դիմորդների գրանցումը սկսվել է

Մարտի 5-ին Վրաստանում մեկնարկեց միասնական ազգային քննությունների դիմորդների գրանցումը և կտևի մինչև մարտի 30-ը, ժամը 18:00-ը:

Գրանցման գործընթացը, ինչպես և վերջին տարիներին, տեղի կունենա մի քանի փուլով: Առաջին փուլում, մինչև մարտի 30-ը, դիմորդները կկարողանան մտցնել անձնական տվյալները, քաղաքը, որտեղ նրանք հանձնելու են քննությունները և այն առարկաները, որոնք նրանք մտադիր են հանձնել:

Դրանից հետո դիմորդները չեն կարող փոխել քննության քաղաքը: Սակայն մայիսի 15-ին նրանք կկարողանան փոխել առարկան կամ ավելացնել:

Բոլոր ցանկացողները գրանցումը պետք է անցնեն հետևյալ էլեկտրոնային հասցեով.

Գրանցում անցնել, դիմորդներից բացի, կարող են այն անձինք, ովքեր ցանկանում են մասնակցել ուսանողական դրամաշնորհային մրցույթին (երբ ուսանողը ցանկանում է ստանալ ավելի բարձր ֆինանսավորմամբ նոր դրամաշնորհ), հանձնել ընդհանուր մագիստրոսական քննություն կամ ուսուցչի քննություն իր առարկայով:

Ընտրված առարկաների քննությունները կանցկացվեն միայն վրացերենով, դիմորդները չեն կարող հանձնել քննությունը ռուսերենով: Միասնական ազգային քննությունների դիմորդները պետք է հանձնեն չորս քննություն: Նրանցից երեքը պարտադիր` վրաց լեզու և գրականություն, ընդհանուր հմտություններ, օտար լեզու և մեկը` ընտրությամբ` գրականություն, մաթեմատիկա, պատմություն, աշխարհագրություն, քիմիա, ֆիզիկա, կենսաբանություն, գյուտարար և կիրառական արվեստ, քաղաքացիական կրթություն: Հենց այդ վերջին ընտրովի առարկաներն են, որոնց վրա ազդելու են նորարարությունները:

Պետք է նշել, որ ինչպես նախկինում Վրաստանի ազգային փոքրամասնությունների ներկայացուցիչները չեն հանձնելու վերոնշյալ քննությունները համալսարան ընդունվելու համար, այլ միայն ընդհանուր հմտությունները իրենց մայրենի լեզվով` հայերեն, ադրբեջաներեն, օսերեն և աբխազերեն լեզուներով:

Բորիս Ղարսլյան

---

---