Կենտրոնական փողոցների փոսերը խանգարում են երթևեկությանը
Չնայած այն բանին, որ ամեն տարի Նինոծմինդա քաղաքում ասֆալտապատվում են նոր փողոցներ, սակայն կենտրոնական Պուշկին փողոցի ասֆալտին գնալով փոսեր են գոյանում, որոնք խանգարում են տրանսպորտի երթևեկությանը:
Վարորդները ինչպես այս, այնպես էլ Տերյան, Կարլ Մարքս և մի շարք այլ փողոցներով երթևեկելիս ամեն կերպ շրջանցում են փողոցներում առկա փոսերը: Քանի որ մի շարք կարևոր հաստատություններ գտնվում են այս փողոցում, մարդիկ ստիպված են ավելի շատ երթևեկել նշված հատվածում:
Շատ դեպքերում փոսերը ավտովթարների պատճառ են դառնում, իսկ անձրևոտ եղանակին փողոցներում լճեր են գոյանում:
Ինչպես տեղեկացանք Նինոծմինդայի քաղաքապետարանից, այս տարի տեղական բյուջեից ասֆալտապատված փողոցների փոսերի վերանորոգման համար հատկացվել է 20 հազար լարի գումար:
Մանրամասները դիտեք ֆոտոշարքում.
Գարուշ Արզումանյան