Նիկոլ Փաշինյանը չընտրվեց ՀՀ վարչապետի պաշտոնում
Հայաստանի խորհրդարանում այսօր տեղի ունեցած վարչապետի ընտրություններում «Ելք» խմբակցությունից առաջադրված միակ թեկնածուն՝ Նիկոլ Փաշինյանը, չընտրվեց Հայաստանի վարչապետ, փոխանցում են հայկական լրատվամիջոցները:
Նրա թեկնածությանը կողմ քվեարկեց 45 պատգամավոր, դեմ՝ 56 պատգամավոր:
Խորհրդարանական փոքրամասնության թեկնածուին կողմ քվեարկեցին ԱԺ «Ծառուկյան», «Ելք» և Դաշնակցություն խմբակցությունների պատգամավորները։
Խորհրդարանական մեծամասնություն կազմող Հանրապետական խմբակցությունը գրեթե միասնական դեմ քվեարկեց առաջադրված միասնական թեկնածուին, բացառությամբ Ֆելիքս Ցոլակյանի, ով կողմ քվեարկեց:
Հիշեցնենք՝ Դաշնակցությունից միայն Աղվան Վարդանյանն էր դեմ վարչապետի պաշտոնում Փաշինյանի թեկնածությանը։
Նկատենք, որ Հայաստանի Սահմանադրության համաձայն, խորհրդարանը կարող է յոթ օր հետո նորից կազմակերպել վարչապետի ընտրություններ, որի երկրորդ անգամ տապալվելուց հետո Հայաստանում կանցկացվեն խորհրդարանական արտահերթ ընտրություններ։
Opinion, pooling and voting
