Սերժ Սարգսյան. Հայաստանի եւ Վրաստանի հարաբերությունների պատմության մեջ լուրջ խնդիրներ չկան
Աշխարհում քիչ են հարեւան երկրներ, որոնք Հայաստանի եւ Վրաստանի պես, պատմության ընթացքում միմյանց հետ շուրջ խնդիրներ չեն ունեցել: Այս մասին, այսօր` փետրվարի 5-ին, հայտարարել է Հայաստանի նախագահի թեկնածու Սերժ Սարգսյանը` Երեւանի Մալաթիա-Սեբաստիա վարչական շրջանում ընտրողների հետ հանդիպման ժամանակ:
Նրա խոսքով` երկու երկրների միջեւ բարեկամական հարաբերությունները զարգանում են: Անդրադառնալով Վրաստանի վարչապետ Բիձինա Իվանիշվիլիի վերջերս Երեւան կատարած այցին, Սերժ Սարգսյանն ասել է, որ այդ այցի ընթացքում քննարկվել է հարցերի լայն շրջանակ եւ դրանց շուրջ փոխըմբռնում է ձեռք բերվել:
Այն, որ Վրաստանի վարչապետի հայտարարությունների որոշ հատվածներ քննադատաբար են ընդունվել Թբիլիսիում, դա Վրաստանի խնդիրն է: Ինչ վերաբերում է ռուս-վրացական հարաբերությունների նորմալացմանը վերաբերող հայտարարություններին, Հայաստանում ուրախ են նման միտումների առնչությամբ, ասել է Սերժ Սարգսյանը:
Նա նաեւ կրկին ընդգծել է Աբխազիայով անցնող երկաթուղու գործարկման կարեւորությունը Հայաստանի համար:NEWS.am