Դավիթ Սահակյանի հերթական հաջողությունը շախմատում

Նինոծմինդա քաղաքից պատանի շախմատիստ Դավիթ Սահակյանը զբաղեցրեց երրորդ հորիզոնականը հոբելյանական շախմատային մրցաշարի եզրափակիչ փուլում, որը տեղի ունեցավ Վիրահայոց թեմի «Հայարտուն» կենտրոնում:

Ապրիլի 1-ից մինչև 22-ը Թբիլիսիում և Վրաստանի հայաբնակ տարածաշրջաններում անցկացվեց շախմատի մրցաշար 13-ից մինչև 17 տարեկան շախմատասերների շրջանում: Մրցաշարը նվիրված էր Վրաստանի և Հայաստանի առաջին հանրապետությունների 100-ամյա հոբելյաններին:

Ապրիլի 30-ին, Վիրահայոց թեմի «Հայարտուն» կենտրոնի Գալուստ Գյուլբենկյան դահլիճում կայացավ շախմատի հոբելյանական մրցաշարի եզրափակիչ փուլը: Մրցաշարին մասնակցում էին Թբիլիսիի, Ախալքալաքի, Ախալցիխեի, Նինոծմինդայի, Ռուսթավիի, Դիլիսկայի 13-17 տարեկան 16 շախմատասերներ, ովքեր տեղերում անցկացված մրցաշարերում զբաղեցրել էին առաջինից երրորդ տեղերը:

Առաջին տեղ գրաված շախմատիստները ստացան մրցաշարի գավաթը և 300 լարի դրամական պարգև, երկրորդ և երրորդ տեղեր գրավածները ստացան մեդալներ, պատվոգրեր, համապատասխանաբար 150 և 100 լարի դրամական պարգև:

Հիշեցնենք, որ ապրիլի 9-ին Նինոծմինդա քաղաքի մարզադպրոցի շախմատի խմբակում անցկացվել էր մրցաշարի շրջանային փուլը:

Մրցաշարի մասին մանրամասներ հաղորդեց շախմատի խմբակի մարզիչ Յուրա Կույումչյանը.