Հոկտեմբերին նոր մանկապարտեզի շենքը կհանձնվի շահագործման

2018թ. տեղական բյուջեով Նինոծմինդա քաղաքի նոր մանկապարտեզի վերանորոգման համար նախատեսված է 100 հազար լարի:

Վերանորոգման աշխատանքների մրցույթ-տենդերը շահել է անհատ ձեռներեց Արման Պողոսյանը 66 666 լարիի դիմաց:

Վերանորոգման աշխատանքներն արդեն սկսվել են: Նախատեսված է վերանորոգել շենքի առաջին հարկը, ցանկապատել շենքը և ավարտին հասցնել նախկինում անավարտ թողած աշխատանքները:

Նախագծով նախատեսված է այս տարվա հոկտեմբեր ամսին շենքը շահագործման հանձնել:

Նշենք, որ արդեն 2 տարի է նոր մանկապարտեզի համար նախատեսված նախկին տպագրատան շենքում ընթանում են վերանորոգման աշխատանքներ:

Բորիս Ղարսլյան

---

---