![](https://gdb.rferl.org/F5CB87FC-4CC6-41F8-8F0A-2CB87760EA8B_cx0_cy0_cw98_w1023_r1_s.jpg)
Վրաստանի իշխանությունները ժամանակավոր չեն պահանջի լիազորագիր՝ իրենց վրա չգրանցված ավտոմեքենայով սահմանը հատելիս։ Այս մասին հայտարարություն է տարածել Վրաստանում ՀՀ դեսպանությունը․
«Հայաստանի Հանրապետության հարգելի՛ քաղաքացիներ, կապված զբոսաշրջային ժամանակահատվածի հետ, վրացական իշխանությունները որոշում են կայացրել ընդառաջել և մինչև վերոնշյալ ժամանակահատվածի ավարտը սահմանին լիազորագիր չպահանջել այն վարորդներից, ովքեր սահմանը հատում են իրենց վրա չգրանցված ավտոմեքենայով»:
Հիշեցնենք՝ դեսպանությունը հուլիսի 11-ին հայտարարություն էր տարածել՝ տեղեկացնելով, որ Վրաստանի սահմանն իրենց վրա չգրանցված տրանսպորտային միջոցով հատող վարորդները պետք է լիազորագիր ներկայացնեն։