Անգելա Մերկելի այցը Վրաստան պաշտոնապես հաստատվել է
Գերմանիայի դաշնային հանրապետության կանցլերի այցը Վրաստան, երկկողմ հարաբերություններ և երկրի եվրոպական և եվրաատլանտյան ինտեգրման օրակարգի հիմնական հարցերն էին դրված Վրաստանի վարչապետ Մամուկա Բախտաձեի և Վրաստանում Գերմանիայի դեսպան Հայկե Փայչի միջև կայացած հանդիպմանը, որը տեղի է ունեցել կառավարության գրասենյակում:
Վարչապետը նշել է, որ կառավարությունը Գերմանիայի կանցլերի այցը Վրաստան գնահատում է որպես երկկողմ հարաբերությունների զարգացման գործում կարևորագույն իրադարձություն:
Մամուկա Բախտաձեն ընդգծել է Գերմանիայի կարևորագույն դերը Վրաստանի ինստիտուցիոնալ զարգացման գործընթացում:
Հանդիպմանը ուշադրություն է դարձվել առևտրա-տնտեսական կապերի և գերմանական ներդրումների աճի վրա:
Վարչապետը և դեսպանը զրուցել են նաև գալիք նախագահական ընտրությունների շուրջ: Մամուկա Բախտաձեն նշել է, որ Վրաստանի իշխանությունները այս անգամ ևս ապահովելու են ընտրությունների՝ ազատ, արդար, թափանցիկ միջավայրում, ժողովրդավարության բարձր չափանիշներին համապատասխան անցկացմանը:
Պաշտոնական լրատվությունը տարածել է Վրաստանի կառավարության մամուլի ծառայությունը:
Պաշտոնապես այցի ամսաթիվը չի նշվում, սակայն առաջին ալիքի լրատվությամբ, հավանաբար այն տեղի է ունենալու օգոստոսի երկրորդ կեսին:
Աղբյուր` www.1tv.ge