Երիտասարդներն իրազեկվեցին ընտրությունների և ընտրական գործընթացների մասին
“Փարոս” կազմակերպության “Ակտիվ մասնակցություն սեփական ապագայի ընտրության գործում՛ խորագրով նախագծի շրջանակներում անցկացվեց հանդիպում Նինոծմինդայի Տարածքային ընտրական հանձնաժողովի նախագահ Սեյրան Կյուրեղյանի հետ։ Հանդիպումը տեղի էր ունենում Վրաստանի Կենտրոնական ընտրական հանձնաժողովի (ცესკო) և Ընտրական համակարգերի զարգացման կենտրոնի ֆինանսական աջակցությամբ։
Հանդիպմանը ներկա էին Նինոծմինդայի մունիցիպալիտետի երիտասարդության ներկայացուցիչներ։ Հանդիպման ժամանակ խոսվեց ընտրությունների և ընտրական գործընթացների կարևորության մասին։
Սեյրան Կյուրեղյանը պատմեց, թե ինչպես են ձևավորվում տեղամասային ընտրական հանձնաժողովները, ինչպես են ընտրվում հանձնաժողովի նախագահը, նախագահի տեղակալը, քարտուղարը և հանձնաժողովի մնացած անդամները։ Վրաստանի ընտրական օրենսգրքի համաձայն՝ եթե տվյալ բնակավայրն ունի 1500-ից ավելի ընտրող, ապա այդ բնակավայրում բացվում է երկրորդ թաղամասային ընտրական տեղամասը։
Գոյություն ունեն մշտապես գործող հանձնաժողովներ, որոնք են՝ Վրաստանի Կենտրոնական ընտրական հանձնաժողովը, տարածքային ընտրական հանձնաժողովներ՝ բաղկացած 5 մշտական անդամներից, ժամանակավոր տեղամասային ընտրական հանձնաժողովներ, որոնք այս տարվանից պետք է ունենան 12 անդամներ։ Անձը չի կարող դառնալ Կենտրոնական կամ տարածքային ընտրական հանձնաժողովի անդամ առանց համապատասխան վկայական ունենալու։
Ընտրատեղամասում քվեարկության ժամանակ արգելվում է նկարահանել կամ տեսանկարահանել ընտրական քվեախուցը, ընտրացուցակը և այն փաստաթղթերը, որոնք պարունակում են տեղեկատվություն ընտրողների մասին։
Անահիտ Զալալյան
Opinion, pooling and voting
