Մանդատուրայի աշխատողների աշխատավարձը կբարձրանա 200 լարիով

2019թ. հունվարի 1-ից մանդատուրայի աշխատակիցների աշխատավարձը կբարձրանա 200 լարիով:

Այդ մասին հաղորդեց Կրթության, գիտության և մշակույթի կոմիտեի նախագահ Մարիամ Ջաշման 2019թ. պետական բյուջեի նախագծի քննարկումների ժամանակ:

Նրա խոսքով գալիք տարվա պետական բյուջեով կրթական համակարգի ֆինանսավորումը կավելանա ավելի քան 170 միլիոն լարիով:

«Հունվարի 1-ից կավելանան մանդատուրայի աշխատողնրի աշխատավարձը, որի նպատակն է մեծացնել դպրոցների անվտանգությունը: Բացի այդ, ևս 130 հանրային դպրոցներում կգործեն մանդատուրայի աշխատողներ և ընդհանուր հաշվով Վրաստանի 588 դպրոցներում մանդատուրայի աշխատողները կվերահսկեն դպրոցների անվտանգությունը», -հայտարարել է Մարիամ Ջաշման:

Բորիս Ղարսլյան

---

---