Գիտնականները Արեւի վրա բռնկումների թվի աճի են սպասում
Արեւի վրա բռնկումների թիվը կսկսի աճել 2019թ․ երկրորդ կեսից, երբ սկսվի արեւային ակտիվության նոր ցիկլը՝ հայտնում է ՌԻԱ Նովոստին։
Իրենց կանխատեսումը գիտնականներն արել են հունվարի 26-ին գրանցված արեւային խոշոր բռնկումից ելնելով։ Այն տեւել է 22 րոպե։ Առավելագույն էներգաարտադրումը տեղի է ունեցել տեղական ժամանակով 17։22-ին։ Երկրի ուղեծրի մակարդակում այդ ընթացքում ռենտգենյան փափուկ ճառագայթման հոսքն աճել է մոտ 15 անգամ։
«Բացարձակ մեծությամբ միջադեպը Երկրի համար սպառնալիք չի ներկայացնում եւ նկատելի է դառնում վերջին 1-1,5 տարվա ընթացքում Արեւի ընդհանուր շատ ցածր ակտիվության ֆոնին»,- նշում են աստղագետները։
Նրանց տվյալներով, 2018թ․ ամբողջ ընթացքում Արեւի վրա տեղի է ունեցել միայն 13 բռնկում։ Համեմատության համար՝ 2017թ․ այդ բռնկումները երբեմն հասել են օրական 10-20-ի։
«Ամենայն հավանականությամբ, մեկ տարուց ոչ պակաս է պետք սպասել այն պահին, երբ բռնկումային ակտիվությունը նորից կսկսի ազդել Երկրի վրա»,- ասվում է հաղորդագրության մեջ։