Վրաստանում երեխաների իրավունքները կպաշտպանի նոր օրենսգիրքը

Վրաստանի խորհրդարան ղեկավարը նշել է երկրում երեխաների իրավունքների պաշտպանության ոլորտում առկա էական խնդիրները:

Իրակլի Կոբախիձեն ներկայացրել է երեխաների իրավունքների պաշտպանության օրենսգիրքը, որի վրա աշխատել են Խորհրդարանի՝ Մարդու իրավունքների և քաղաքացիական ինտեգրման և ՄԱԿԻ-ի մանկական հիմնադրամը (UNICEF):

«Մենք լուրջ մարտահրավեր ունենք՝ Վրաստանում երեխաների իրավունքների պաշտպանությունն իրականացնելու մեխանիզմների տեսանկյունից: Երկրում երեխաների նկատմամբ բռնության մասշտաբներն իրապես լուրջ են, ինչը մեր կողմից անհապաղ արձագանքելու և միջամտելու անհրաժեշտության մասին է խոսում»,- ասել է Կոբախիձեն:

Ըստ նրա՝ նոր օրենսգրքի հիմնական խնդիրը միասնական ռազմավարության մշակումն է: Այսինքն ստեղծել միասնական պետական այնպիսի քաղաքականություն և մեկ ստանդարտ, որը կդառնա երեխաների պաշտպանության հստակ երաշխիք՝ հասարակական միջավայրում:

Այս համատեքստում նախաձեռնող խումբը կարևորում է նաև երեխաների և դեռահասների ճիշտ զբաղվածությունը, ինչը կբացառի նրանց ձգտումը՝ դեպի ազարտային խաղեր, թմրակախվածություն և վնասակար այլ սովորույթներ: Երեխաները պետք է իրենց էներգիան ուղղեն դեպի առողջ ապրելակերպ, դեպի կրթություն և այնպիսի զբաղմունք, որոնք հետագայի հաջողության գրավականը կդառնան:

Երեխաների իրավունքների պաշտպանության օրենսգիրքը Խորհրդարանի քննարկմանը կներկայացվի գարնանային նստաշրջանի ընթացքում: Երեխաների իրավունքների պաշտպանության հատուկ կոդեկս մշակելը ՄԱԿ-ի խորհրդատվություններից մեկն է:

---

---