![](https://cdn.1tv.ge/lang/app/uploads/2024/06/1719148078-1719147475-448927949_26127649826826354_2500770605103368636_n-1024x789-1.jpg)
Վրաստանի նախկին նախագահ Միխեիլ Սաակաշվիլին TBC բանկի հիմնադիր Մամուկա Խազարաձեին խորհուրդ է տվել ձերբակալությունից խուսափելու դեպքում գնալ մենաստան ու մեղքերի թողություն խնդրել` բազմաթիվ մարդկանց դժբախտացնելու համար:
Այս մասին նախկին նախագահը գրել է ֆեյսբուքում:
«Իմ նախագահության 9 տարիների ընթացքում իմ սեփականությունը չի փոփոխվել: Իսկ իմ նախագահության ընթացքում Խազարաձեի ունեցվածքը նվազագույնը 5 անգամ ավելացել է: Ու հիմա այդ «մարդը», իսկ իրականում անշնորհակալ մեկը ինձ մեղադրում է իր բիզնեսի վրա ճնշումների մեջ, ու դա այն ֆոնի վրա, երբ Իվանիշվիլին իրեն զրկում է ամեն ինչից ու իր գրպանը դնում: Ես Խազարաձեի փոխարեն, եթե իհարկե նա կարողանա խուսափել ձերբակալությունից, կգնայի մենաստան ու մեղքերի թողություն կխնդրի, բազմաթիվ մարդկանց դժբախտացնելու ու Բիձինա Իվանիշվիլիին ընտրություններում սատարելու համար», — գրում է Սաակաշվիլին: aliq.ge