Խախտվում է կանանց իրավունքները Նինոծմինդայի մունիցիպալիտետում

Կանանց եւ աղջիկների հանդեպ բռնությունը գլոբալ խնդիր է: Այն շարունակում է մնալ մարդու իրավունքների ամենատարածված խախտումներից մեկը եւ վտանգ է սպառնում միլիոնավոր աղջիկների եւ կանանց: Կանանց եւ աղջիկների հանդեպ բռնությունը չունի սոցիալական, տնտեսական կամ ազգային սահմաններ: Այն ազդում է բոլոր տարիքի կանանց վրա եւ տարածվում է տարբեր տեսանկյուններով, տարբեր ձեւերով, ներառյալ ֆիզիկական, սեռական եւ հոգեբանական չարաշահման, ինչպես նաեւ տնտեսական հարկադրանքի եւ շահագործման:

ՄԱԿ-ի Կանանց եւ Վրաստանի ազգային վիճակագրական ծառայության (Սաքսթաթ) համատեղ հետազոտության արդյունքները ցույց են տվել, որ Վրաստանում կանանց նկատմամբ սեռական բռնությունը բավական տարածված է:

Որպեսզի պարզվի, թե խախտվում են Նինոծմինդայի մունիցիպալիտետի կանանց իրավունքները «NOR» ռադիոյի լրագրողը, «PITA» երիտասարդական կենտրոնի ակտիվիստների հետ միասին անցկացրել է հարցում հասարակության շրջանում:

Շատ կանայք խուսափեցին պատասխանել այս հարցին, շատերը, հրաժարվեցին: Նրանք, ովքեր պատասխանել են, ասում են `բռնության դեպքեր կան, եւ կանանց իրավունքները ոտնահարվում են, բայց ոչ միշտ: Այսօր իրավիճակը բարելավվել է, կանայք կարող են աշխատել, նրանց հարգում են ինչպես ընտանիքում, այնպես էլ աշխատավայրում:

Նախորդ տարիների համեմատ, Սամցխե-Ջավախեթիի հանրային պաշտպանի գրասենյակում ավելացել է կանանց բողոքը: Նրանք հիմնականում դիմում են օմբուդսմենի գրասենյակ հետեւյալ հարցերով `ընտանեկան բռնություն, աշխատավայրում աշխատանքային իրավունքների խախտում, ժառանգություն եւ երկքաղաքացիություն, գույքային իրավունքներ եւ այլ ներքին կամ իրավական հարցեր, որոնցում նրանք ցանկանում են ստանալ իրավական խորհրդատվություն:

Հատկանշական է, որ ընտանեկան բռնության վերաբերյալ փաստաբանի խնդրանքով գրասենյակ է եկող կանանց թիվը զգալիորեն աճել է : Ակնհայտ է, որ հասարակական գիտակցությունը դեռեւս ցածր է այս հարցում, եւ բռնությունների մասին բարձրաձայն խոսելը դեռեւս փակ թեմա է: Պետք է նաեւ նշել, որ կրթական եւ տեղեկատվական հանդիպումների ընթացքում կանանց ներգրավվածության աստիճանը մեծացել է, ինչը ցույց է տալիս նրանց ակտիվացումը:

«Մենք առանձին թեմաներով վիճակագրություն չունենք, սակայն յուրաքանչյուր ամիս 30-40 կանայք այցելում են տարածաշրջանային գրասենյակ, նրանց տարիքը տատանվում է 30-ից 60 տարիքային սահմանում», – ասում է Սամցխե-Ջավախեթի հանրային պաշտպան Սալոմե Կուջանիշվիլին:

Լրացուցիչ մանրամասներ մեր զրույցում: