Մրցույթ «Ես գրում եմ վրացերեն» վերնագրով

Հաշտեցման եւ քաղաքացիական հավասարության հարցերով նախարարությունը, Իվանե Ջավախիշվիլիի անվան Թբիլիսիի պետական համալսարանի հետ համագործակցությամբ, պետական լեզվի ուսուցումը խթանելու նպատակով եւ վրաց լեզվի օրվան նվիրված, Վրաստանի ոչ վրացալեզու դպրոցների 9-րդ դասարանի աշակերտների համար անցկացնում է մրցույթ «Ես գրում եմ վրացերեն» վերնագրով:

Մրցույթը անցկացվում է 3 փուլով եւ հաղթողները պարգեւատրվելու են Իվանե Ջավախիշվիլիի անվան Թբիլիսիի պետական համալսարանում վրաց լեզվի օրվան նվիրված միջոցառման ժամանակ` ապրիլի 14-ին, արժեքավոր նվերներով եւ պատվոգրով:

1-ին փուլն անցկացվել է դպրոցում ապրիլի 5-ին եւ դպրոցը ներկայացրել է մեկ թեքնածու 9-րդ դասարանից:

2-րդ փուլը, որն անցկացվել է ռեսուրս կենտրոնում ապրիլի 8-ին մասնակցեցին 19 աշակերտ տարբեր դպրոցներից, որի ընթացքում գրեցին 120- 130 բառանոց միջին բարդության թելադրություն: Տեքստը տրամադրվել է նախարարության կողմից մրցույթն սկսելուց րոպեներ առաջ:

Հանձնաժողովի կողմից աշխատանքները ստուգելու արդյունքում հաջորդ փուլ անցան Սիրանուշ Մոսոյանը Նինոծմինդայի թիվ 2 դպրոցից, եւ Ալվարդ Խոդերյանը Մեծ Խանչալիից:

3-րդ փուլն անցկացվելու է Իվանե Ջավախիշվիլիի անվան Թբիլիսիի պետական համալսարանում, որտեղ մասնակցություն կունենան 2-րդ փուլի հաղթողներ Սիրանուշը եւ Ալվարդը:

Առաջին փուլում կլինի 150 բառանոց թելադրություն, սահմանափակ ժամանակում, առաջին փուլի մասնակիցների 50 տոկոսը կանցնի 2-րդ փուլ:

2-րդ փուլի մասնակիցները կգրեն ավելի բարդ թելադրություն 150 բառանոց, որտեղ բառերի 30 տոկոսը առօրյայում չգործածվող բառեր կլինեն:

---

---