Սաակաշվիլին այցելել է Ախալքալաքի հայկական եկեղեցի
Ապրիլի 18-ին Վրաստանի նախագահ Միխեիլ Սաակաշվիլին այցելել է Ախալքալաք, եղել ուսումնական հաստատություններում, նաև այցելել հայկական եկեղեցի։
Ինչպես տեղեկացնում է Грузия online-ը, նա նախ այցելել է թիվ 3 միջնակարգ դպրոց և մասնակցել Վրաստանի պատմության դասին։
Այնուհետ Սաակաշվիլին այցելել է Ախալքալաքի հայկական եկեղեցի և մասնակցել եկեղեցական արարողությանը։
Բնակիչների հետ հանդիպման ընթացքում Վրաստանի նախագահը խոսել է տարածաշրջանի զարգացման խնդիրներից՝ հատուկ շեշտելով երկաթուղու կառուցման անհրաժեշտությունը։
Սաակաշվիլին նաև խոսել է հայ-վրացական պատմական բարեկամական հարաբերություններից և նշել, որ այդ հարաբերությունները պետք է խորանան։
tert.am