Վրաստանի Անկախության օրը նշվեց Նինոծմինդայի թիվ 3 դպրոցում

Նինոծմինդայի թիվ 3 հանրակրթական դպրոցում 9-րդ դասարանի աշակերտներն անցկացրեցին միջոցառում `նվիրված Վրաստանի Անկախության օրվան:

Միջոցառումը սկսվեց վրացական օրհներգով: Միջոցառմանը աշակերտները երգեր, պարեր եւ վրացերեն բանաստեղծություններ ներկայացրեցին: Միջոցառմանը ներկա էին դպրոցի տնօրինությունը եւ ուսուցիչները:

Դասավանդող ուսուցիչ Սյուզան Մղդեսյանը նշեց, որ նման միջոցառումները օգնում են աշակերտներին ավելի սերտ ծանոթանալ Վրաստանի պատմությանը:

Միջոցառումը կազմակերպել էին 9-րդ դասարանի դասղեկ Սյուզան Մղդեսյանը եւ թիվ 3 դպրոցի կամավոր Մարիամ Քոբուլիան :

Վրաստանում Անկախության օրը նշվում է ամեն տարի` մայիսի 26-ին՝ ի նշան ռուսական կայսրությունից (1918թ.) և Սովետական միության տիապետությունից անկախանալու:

Չնայած Սովետական միությունից անկախությունը նրանք ստացել են 1991թ.-ի ապրիլի 9-ին՝ այնուամենայնիվ Անկախության օրը՝ որպես պետական տոն, նշում են մայիսի 26-ին:

1917թ.-ի Ռուսաստանի բուրժուական հեղափոխությունը հանգեցնում է միապետութան տապալմանն ու կայսրության փլուզմանը: Այս նույն ժամանակ էլ Վրաստանում կազմավորվեց Ազգային խորհուրդը, որն էլ փաստորեն կառավարում էր երկիրը:

Ըստ Վրաստանի ազգային խորհրդի որոշման՝ 1918թ.-ի մայիսի 26-ին Վրաստանը հռչակվեց որպես անկախ պետություն, իսկ Նոե Ջորդանիան ընտրվեց որպես նորանկախ պետության նախագահ: