Ակտիվորեն ընթանում են միջազգային նշանակության Ախալցխա-Նինոծմինդա ավտոճանապարհի 14.6 կմ հատվածի վերանորոգման աշխատանքները:
Ավտոճանապարհային վարչության տեղեկությամբ, վերանորոգվող հատվածն անցնելու է Գորելովկա և Ժդանով գյուղերով և ավարտվելու՝ Վրաստան-Հայաստան սահմանի մոտ:
Վարչության տեղեկությամբ, այս պահի դրությամբ, իրականացվում են ճանապարհի հիմնանորոգման աշխատանքներ:
Նախագծի համաձայն, նախատեսված է առկա վնասված ճանապարհի լիարժեք վերանորոգում: Ընդլայնվելու է առկա ճանապարհի լայնությունը, վերանորոգվելու է երեք երկաթ-բետոնե կամուրջ և ջրատար խողովակ:
Նշված ճանապարհից օգտվում են ինչպես տեղի բնակչությունը և Հայաստանի ուղղությամբ տեղաշարժվող ավտոմեքենաները, այնպես էլ իրականացվում են տարանցիկ փոխադրումներ:
