ԱՄՆ իշխանություններն անհանգստացած են Վրաստանի նախկին վարչապետի ճակատագրով
ԱՄՆ իշխանությունները իրենց մտահոգությունն են հայտնել Սահակաշվիլիի զինակից, Վրաստանի նախկին վարչապետ Վանո Մերաբիշվիլիի նկատմամբ սկսված դատական գործընթացի հետ կապված:
«Վրաստանի իշխանությունները, նախկին պաշտոնյաների նկատմամբ հարուցված գործընթացներում պետք է ամբողջությամբ հետեւեն օրենքով նախատեսված ընթացակարգերին»,-հայտարարել է ԱՄՆ պետքարտուղարության ներկայացուցիչ Փաթրիք Վենթրելը:
«Մենք ուշադիր հետեւում ենք պետական ծառայողների նկատմամբ հարուցված գործերին: Մենք Վրաստանի կառավարությանը հայտնել ենք, որ այդ գործընթացներում կարեւոր է հետեւել դատաքննական ընթացակարգերին եւ ամեն ինչ անել, որպեսզի դրանք չընկալվեն որպես քաղաքական հաշվեհարդար»,-ասել է Բենթրելը: Միաժամանակ նա հրաժարվել է պատասխանել հարցին, թե արդյոք ԱՄՆ-ը Վանո Մերաբիշվիլիի եւ Ճիաբերաշվիլիի դեմ դատական գործընթացում քաղաքական դրդապատճառներ է տեսնում, հաղորդում է «ՌԻԱ նովոստին»:
Հիշեցնենք, որ Քութայիսիի դատարանի որոշմամբ նախօրեին 2 ամսով կալանավորվել է Վրաստանի նախկին վարչապետ Վանո Մերաբիշվիլին, իսկ Կախեթիի նահանգապետ Զուրաբ Ճիաբերաշվիլին 20 հազար լարի գրավով ազատ է արձակվել: Նրանք մեղադրվում են կոռուպցիոն գործունեության, պաշտոնեական լիազորությունները չարաշահելու եւ պետական միջոցները վատնելու մեջ:
news.am