Նկատվում են կրիաներ Նինոծմինդայի մունիցիպալիտետում
Նինոծմինդայի շրջանում վերջին տարիներին նկատվում է կենդանական աշխարհի փոփոխություններ։ Կլիմայի փոփոխության հետ տարածաշրջանում նույնիսկ հայտնվել են կրիաներ, որոնք հատկապես այս տարի շատացել են։
Կրիային NOR ռադիոյի տեսախցիկը ֆիքսեց Ժդանովական գյուղում։ Մադաթափա լիճը և բնակլիմայական պայմանները խթան են հանդիսանում կրիաների բազմացման համար։
Տվյալ կրիային գտել է Ժդանովականի բնակիչ Մերգելոս Մարիկյանը, ով պատմեց, որ Կրիային առավոտյան տեսել է դեզի մոտակայքում և որպեսզի կրիան չվնասվի, տեղափոխել է տանը կից այգի։
Ժդանովականի բնակիչ Արմեն Ռաֆայելյանն էլ իր հերթին նշեց, որ անցած տարի նույնպես տեսել է կրիա Ժդանովականում։ Կրիաներ կան նաև Նինոծմինդայում։ Նրանք հիմնականում սնվում են բուսականությամբ։
