Մամուկա Բախտաձեն հաստատում է, որ լքում է վարչապետի պաշտոնը

Վրաստանի վարչապետ Մամուկա Բախտաձեն հրաժարական է տվել:

Մի քանի րոպե առաջ Մամուկա Բախտաձեն գրառում է տեղադրել իր ֆեյսբուքյան էջում, որում գրել է. «Մեր երկրի շահերը պաշտպանելու համար: Ես եղել եմ և կլինեմ «Վրացական երազանք» թիմի անդամը և մեր երկրի նվիրյալ զինվորը: Ցանկանում եմ շնորհակալություն հայտնել իմ նախորդներին և մաղթել հաջողություններ ապագա Վարչապետին»:

Սահմանադրության համաձայն, վարչապետի լիազորությունները դադարեցվում են հրաժարական տալուն պես, սակայն կառավարությունը կշարունակի իրավասությունների կատարումը, մինչ նոր վարչապետի նշանակումը:

Մամուկա Բախտաձեին վարչապետի պաշտոնում Վրաստանի խորհրդարանը հաստատել էր 2018 թվականի հունիսի 20-ին:

2017 թվականի նոյեմբերի 13-ից մինչև 2018 թվականի հունիսի 20-ը Մամուկա Բախտաձեն զբաղեցնում էր Վրաստանի ֆինանսների նախարարի պաշտոնը: Իսկ մինչ նախարարի պաշտոնին նշանակվելը նա զբաղեցնում էր «Վրացական երկաթգծի» գլխավոր տնօրենի պաշտոնը:https://1tv.ge/am/news/mamuka-baxtadzen-hastatum-e-or-lkhum-e-varchapeti-pashtoneh/

---

---