Սումբատ Կյուրեղյանի հայտարարությունը ի աջակցություն պատգամավոր Վրեժ Մուրադյանի
Նինոծմինդայի մունիցիպալիտետի սակրեբուլոյի նախագահ Սումբատ Կյուրեղյանը հայտարարություն է տարածել ի պաշտպանություն սակրեբուլոյի պատգամավոր Վրեժ Մուրադյանի:
«Ցանկանում եմ պաշտպանել իմ ընկերոջն ու գործընկերոջը, ով երկար տարիներ աշխատել է որպես մանկավարժ: Երկու օր է, ինչ Վրեժը դարձել է սոցցանցերի «աստղը» : Բանն այն է, որ facebook սոցիալական ցանցի միջոցով ցանկացել է ուղիղ եթերի միջոցով հայտնել Գոնդուրայի գյուղական համայնքի ճանապարհների ասֆալտապատման աշխատանքների մեկնարկի մասին ուրախ լուրը: Բայց այնպես է ստացվել, որ հեռախոսից օգտվել չկարողանալու պատճառով, սխալ ծրագիր է ընտրել , որը նման աշխուժություն է առաջացրել սոցցանցերում: Շատերը դրական են արտահայտվել, շատերն էլ տեսանյութը ծաղրանքի առարկա են դարձրել: Յուրաքանչյուր մարդ կարող է հայտնվել նրա տեղում»,- նշեց Սումբատ Կյուրեղյանը:
Հիշեցնենք, որ ԶԼՄ-ներում հայտնվել էր տեսանյութ, որում սակրեբուլոյի պատգամավոր Վրեժ Մուրադյանը Գոնդուրայի գյուղական համայանքի ճանապարհների ասֆալտապատման աշխատանքների ընթացքի ժամանակ իր ֆեյսբուքյան էջի միջոցով ուղիղ եթեր մտնելիս զավեշտալի ծրագիր էր միացրել: Պատգամավորը, մեկնաբանելով տեսանյութը, նշել էր, որ ամեն ինչ պատահական է տեղի ունեցել :
Opinion, pooling and voting
