Հեշտիայի թիվ 2 հանրային դպրոցը գազաֆիկացվել է

Հեշտիայի թիվ 2 դպրոցը գազաֆիկացվել է:  Դպրոցում արդեն տեղադրվել է եվրոպական չափանիշներին համապատասխան ջեռուցման համակարգ, որը աշխատելու  է բնական գազով: Գազաֆիկացման համար անհրաժեշտ ֆինանսական միջոցները  դպրոցը կուտակել է տարիների ընթացքում:

Հեշտիայի աշակերտները,  երկար ու ձիգ տարիներ սովորելով դպրոցում,  որտեղ ջերմություն ապահովելու համար տարիներ շարունակ աթար, եղեւնու կոն են վառել ,  այս ձմեռ վերջապես հնարավորություն կունենան օգտվելու բնական գազից:  Չնայած այն տարիներին ապրելակերպը դժվար է եղել, բայց միեւնույնն է «աթարի ու կոնի» ժամանակաշրջանում սովորած աշակերտների համար այդ տարիները շարունակում են մնալ հիշողությունների ու քաղցր հուշերի տարիներ:

Հիշեցնենք, որ 2010 թ -ից հետո սկսվեց Նինոծմինդայի մունիցիպալիտետի գազաֆիկացումը: Նախքան ԽՍՀՄ -ի փլուզումը Հեշտիայի թիվ 2 հանրային դպրոցը ունեցել է ջեռուցման համակարգ, սակայն Խորհրդային Միության  փլուզումից հետո ինչպես շրջանի բոլոր գյուղերի դպրոցները, այդ թվում նաեւ Հեշտիայի դպրոցը սկսեց շենքը տաքացնել վառարաններով:

Ինչպես նշեց ուսուցիչ  Հ.Մարկոսյանը.  «Անցյալն  արդեն հետեւում է, կյանքը շարունակվում է և  պետք է մտածել նաեւ մնացած խնդիրների մասին»:

---

---