Օրոջալարի դպրոցի առաջին հարկի պատուհանները փոխարինվել են նորերով

Օրոջալար գյուղի դպրոցի շենքի առաջին հարկի պատուհանները փոխարինվել են նորերով:
Նախագծով նախատեսվել էր առաջին հարկի պատուհանների ու պատուհանագոգերի փոփոխումը:

Վերոնշյալ աշխատանքները իրականացրել է Գորիից ՛՛კარვოვბი՛՛ ՍՊԸ-ն21 584 լարիի դիմաց:

Դպրոցի ուսմասվար Քաջավան Հանեսյանի խոսքով, դպրոցում պետք է կատարվեր կոմետիկ վերանորոգում և բոլոր լուսամուտների փոփոխում, սակայն այնուհետև նախագծում փոփոխություն է կատարվել:

Դպրոցի շենքի երկրորդ հարկում ոչ բոլոր պատուհաններն են փոխված: Չնայած որ անցյալ տարի դպրոցում տեղադրվել էր ջեռուցման համակարգ, հին պատուհաններից այնուամենայնիվ ցուրտը փչում էր ներս:

Դպրոցում կոսմետիկ վերանորոգման հետաձգման պատճառով որոշ ծնողներ սեփական միջոցներով վերանորոգել են մի քանի դասասենյակ:

Օրոջալարի դպրոցում ուսանում են 104 աշակերտ:

Մանրամաների մասին զրուցեցինք Օրոջալարի դպրոցի ուսմասվար Քաջավան Հանեսյանի հետ.

---

---