Ինչպես են պատրաստում չեչիլ պանիրը. Տեսանյութ

Չեչիլ պանիրը սովորաբար տնային պայմաններում սկսում են պատրաստել հուլիսից մինչեւ սեպտեմբերի սկիզբ:

Պանրի այս տեսակը մշակվում է 50 աստիճան ջերմությամբ եւ զտած կաթով:

Ջերմամշակված կաթին ավելացվում է թթու կաթնաշիճուկ, որի արդյունքում ձեւավորվում է չեչիլ պանրի զանգվածը :

Ստացված պանրի զանգվածը երկարացնելով փաթաթում են փայտին, այնուհետեւ բաժանում են կտորների:

Մեկ օր անց պանիրը մշակում են աղով եւ տեղադրում կճուճի մեջ: Որից հետո կճուճը շուռ են տալիս գլխիվայր, որպեսզի ամբողջությամբ դուրս գա կաթնաշիճուկը: Մի քանի օր թողնելով այդպես ուղում են կճուճը, կրկին փաթաթում կտորով եւ դարձնում գլխիվայր: Կճուճի շուրջը լցնում են վառարանից հանված եւ նախապես սառեցված մոխիրը: Մի քանի ամիս անց պանիրը լիովին պատրաստ է օգտագործման համար: Պանիրը կանաչելու համար կճուճը բացելուց հետո պետք է տեղափոխել տաք տեղ:

Նկատառում՝ եթե կաթնաշիճուկը կճուճի միջից ամբողջությամբ դուրս չի եկել ուրեմն պանիրը կփչանա:

Պատրաստման եղանակը՝ տեսանյութում.

---

---