Սեպտեմբերի 18-ին, ժամը 13:30-ի սահմաններում Ախալցիխեի Կոստավա փողոցում, բանջարեղենի վաճառողի և կանաչեղենի վաճառողի միջև տեղի է ունեցել վիճաբանություն, այնուհետև՝ ֆիզիկական բռնություն: Բանջարեղենի վաճառողուհին տեղափոխվել է հիվանդանոց: Ներքին գործերի նախարարությունը հետաքննություն է վարում:
Ըստ ականատեսների, առճակատումը տեղի է ունեցել վիճաբանությունից հետո: 39-ամյա կնոջ վրա հարձակված տղամարդը փախուստի է դիմել դեպքի վայրից:
«Վեճը սկսվեց ինչ-որ մանրուքի պատճառով, ես չկարողացա հասկանալ, թե ինչ չեն կիսում նրանք իրար մեջ: Սկզբում այս տղամարդու կինը վիճաբանում էր այս կնոջ հետ և նույնիսկ հարվածեց նրան: Այնուհետև տղամարդը սկսեց ծեծել նրան, հարվածեց դեմքին, գլխին և փախավ: Հիմա որտեղ է նա, չգիտեմ: Գուցե նա ուղեղի ցնցում ունի, նա չի կարող հստակ խոսել և չի կարող հիշել, թե որտեղ է գտնվում», – պատմեց ականատեսներից մեկը:
Առևտրականների միջև ինչ-որ դիմակայություն եղել է, թե՝ ոչ, ոչ առևտրականները, ոչ էլ ծեծված կինը չեն խոսում: «Ես չգիտեմ, թե ինչ է պատահել: Նա հարձակվեց և սկսեց ծեծել: Ես չեմ կարող հիշել, թե նա ինչ էր ուզում ինձանից», – ասում է ծեծված կինը, ով ապրում է Ախալցիխեի գյուղերից մեկում:
Դեպքի վայր է կանչվել շտապօգնության բրիգադը, իսկ ծեծված կինը տեղափոխվել է Ախալցիխեի հիվանդանոց:
«Նա հարվածել է գլխին և պետք է տեղափոխվի հիվանդանոց, որպեսզի հետազոտություն անցնի», – ասել է շտապօգնության բժիշկը:
Ներքին գործերի նախարարությունը հետաքննում է Վրաստանի քրեական օրենսգրքի 126-րդ հոդվածի «է» ենթակետը, ինչը ենթադրում է բռնություն: Նախարարության փոխանցմամբ՝ նրանք նույնականացրել են բռնությունից հետո դեպքի վայրից փախուստի դիմած անձին: sknews.ge
