Ախալցիխեյում՝ սեփական տանը օձ են գտել
Ախալցիխեի Տաբիձե փողոցում բնակվող Գրիգորի (Հայրո) Տուտոյանի տանը օձ են գտել։
Դեպքը տեղի է ունեցել երեկ երեկոյան ժամը 20։30-ի սահմաններում։
“Տանից դուրս էի գալիս, դռան մոտ տեսա, թե ինչպես էր օձը ներս սողում։ Թոռնիկս իմ տանն էր, գիտեմ, որ վախենում է։ Այս տարի եղանակները շուտ են փոխվել և օձերի բազմությունը կապված է հենց ցրտերի հետ”,-պատմում է ընտանիքի ավագը։
Ինչպես պատմում են Տուտոյանների ընտանիքի անդամները, սա առաջին դեպքը չէ, քանի որ սողուն նկատել են նաև հարևանների տանը։
“Գետի մոտ ենք ապրում և սա տարօրինակ չէ մեզ համար։ Օձերը հաճախ են տուն հյուրընկալում։ Տարեցները ոչինչ, բայց երեխաները վախենում են, անհանգստանում ենք, վտանգավոր է։ Դռները բաց երբեք չենք թողնում։ Մոտ մեկ շաբաթ առաջ երկու նման կենդանի հարևանի տանից դուրս հանեցինք”- պատմում է Գրիգորի Տուտոյանը։
Տեղացիները համապատասխան գործակալության օգնությանն են դիմում։ Ըստ նրանց, լավ կլինի, որ փողոցի տարածքը մշակեն հատուկ դեղորայքով, որպեսզի ապագայում նման դեպք չկրկնվի։tv9news.ge
Opinion, pooling and voting
