Վրաստանում, հանրային դպրոցների մոտ 30 000 մանկավարժ արդեն ստացել է ավելացած աշխատավարձ

Կրթության, գիտության, մշակույթի և սպորտի նախարարության տեղեկությամբ, հանրային դպրոցների մոտ 30 000 մանկավարժ արդեն ստացել է ավելացած աշխատավարձ:

«Կրթության համակարգի համալիր բարեփոխման շրջանակներում միջնակարգ կրթության որակի բարելավման նպատակով դպրոցներում իրականացվում են բազմաթիվ փոփոխություններ: Նախարարության մարտավարությամբ, ուսուցչի մասնագիտությունը պետք է դառնա ամենահեղինակավոր և գնահատված, որը տարբեր միջոցառումների հետ մեկտեղ ենթադրում է նրանց իրավասության և վարձատրության ավելացում:

2019 թվականի հոկտեմբերից սկսվել է մանկավարժների վարձատրության ավելացման գործընթացը, որը շարունակվելու է անդադար և 2022 թվականի ուսուցչի աշխատավարձը կազմելու է միջինը 1500-1800 լարի (504-605 դոլլար):

Նախնական փուլում, մոտ 30 000 ավագ, առաջատար և մենթորի կարգավիճակ ունեցող մանկավարժների աշխատավարձը, որոնք ունեն առնվազն 15 դասաժամ, արդեն ավելացել է 150 լարիով (50 դոլլարով)»,- հայտարարում են կրթության նախարարությունում:

Նախարարության տվյալներով, 2019 թվականի ամռանը մոտ 8 400 ուսուցիչ փոխել է կարգավիճակը, այդ թվում՝ ավելի քան 5 700-ը ստացել է ավագ ուսուցչի կարգավիճակ:

Լիարժեք դասաժամերի դեպքում, ըստ կարգավիճակի, ուսուցչի աշխատավարձը բաշխվում է հետևյալ կերպ.

• Ավագ ուսուցիչ – 1011 լարի (340 դոլլար)
• Առաջատար ուսուցիչ – 1435 լարի (483 դոլլար)
• Մենթոր ուսուցիչ – 1745 լարի (587 դոլլար):

Մանկավարժները, որոնք ունեն 15 դասաժամից պակաս, համապատասխան հարաբերակցությամբ նրանց աշխատավարձը ավելացել է 100 լարիով (33 դոլլարով):

«Այն բանից հետո, երբ մանկավարժի կարգավիճակը կբարձրանա, նա մինչև տարեվերջ կսկսի ստանալ ավելացած աշխատավարձ»,- հայտարարում են կրթության նախարարությունում:1tv.ge

---

---