Լրագրողները մասնակցեցին «Մեկ օր բանակում» միջոցառմանը
Վրաստանի տարբեր տարածաշրջանների լրագրողներ ՛՛ՆԱՏՕ-ի օրեր՛՛-ի շրջանակներում այցելեցին Վազիանիի ռազմական պատրաստվածության կենտրոն, Վրաստան-ՆԱՏՕ ուսումնական և գնահատման կենտրոն (JTEC), ինչպես նաև Գորիում Վրաստանի պաշտպանության ազգային ակադեմիա: Լրագրողների թվում էր նաև NOR ռադիոյի լրագրողը:
«Մեկ օր բանակում» միջոցառման շրջանակներում լրագրողները ծանոթացան ՆԱՏՕ-ի դերին, անցկացվող միջոցառումներին, Վրաստան-ՆԱՏՕ ուսումնական և գնահատման կենտրոնի աշխատանքներին, Վրաստանի պաշտպանության ազգային ակադեմիայի ենթակառուցվածքներին և այնտեղ սովորելու ու ապրելու պայմաններին:
