Խորհրդարանի մոտ ծրագրված ցույցին ազգային շարժման և այլ կուսակցությունների ներկայացուցիչները միանալու են նաև շրջաններից

Թբիլիսիում, խորհրդարանի մոտ ծրագրված ցույցին ազգային շարժման և այլ կուսակցությունների ներկայացուցիչները միանալու են նաև շրջաններից։ Ազգային շարժման ակտիվիստները Քութաիսիում հավաքվել են սպորտի պալատի մոտ։ Նրանց խոսքով, հանրահավաքին մասնակցելու նպատակով, Թբիլիսի է մեկնելու 200 մարդ։

Ցուցարարների խոսքով, նրանք պատշաճ պատասխան են տալու վրացական երազանք֊ժողովրդավարական Վրաստանի նախագահ Բիձինա Իվանիշվիլիին, քանզի նա խաբել է վրաց ժողովրդին։

Դրա հետ մեկտեղ ազգային շարժման մոտ 100 ակտիվիստ մայրաքաղաքում կայանալիք հանրահավաքին մասնակցելու նպատակով գալիս է Փոթիից։

Նրանց խոսքով միանում են Թբիլիսյան ցույցին և չեն ցրվելու քանի չեն կատարվի միավորված ընդիմության պահանջները։

Ընդիմության ցույցը Ռուսթավելիի պողոտայում սկսվելու է ժամը 15։00֊ին։

Պահանջը վաղաժամկետ խորհրդարանական ընտրությունների անցկացումն է համամասնական ընտրակարգով, կառավարության հրաժարականը և կենտրոնական ընտրական հանձնաժողովի գործող կազմի ցրումը։1tv.ge

---

---