Երաժշտական դպրոցում տեղի ունեցավ Կոմիտասի 150 ամյակին նվիրված միջոցառում

Նինոծմինդա քաղաքի երաժշտական դպրոցում տեղի ունեցավ միջոցառում՝ նվիրված հայ մեծանուն երգահան, կոմպոզիտոր Կոմիտասի 150 ամյակին:

Դպրոցի պատերի ներսում թևածում էր Կոմիտասի ոգին: Միջոցառմանը հնչեցին նաև դաշնամուրային, վոկալ, երգչախմբային և գործիքային ստեղծագործություններ:

Սողոմոն Գևորգի Սողոմոնյանը ծնվել է 1869 թվականի սեպտեմբերի 26-ին (հոկտեմբերի 8-ին) Թուրքիայի Քյոթահիա քաղաքում` երաժշտասեր մի ընտանիքում:

Նա հիանալի երգում էր, և պատահական չէր, որ Կուտինայում նրան անվանում էին «թափառական փոքրիկ երգիչ»։ Իր հիանալի ձայնին էր Սողոմոնը պարտական նաև այն իրադարձության համար, որն հիմնովին փոխեց նրա կյանքի ընթացքը։

1915 թվականի ապրիլ 24-ին նա շատ ուրիշ հայ մտավորականների պես ձերբակալվել է և հարկադրված քայլել աքսորի ճամփաներով դեպի Արաբիայի անապատները։

Նա տեղափոխվել է Փարիզ, որտեղ էլ մահացել է հոգեբուժական կլինիկայում 1935 թվականին։ Հաջորդ տարի նրա աճյունը փոխադրվել է Երևան։ 1950-ական թվականներին Կոմիտասի ձեռագրերը նույնպես փոխադրվել են Փարիզից Երևան։ Այսօր Երևանի երաժշտական կոնսերվատորիան կրում է Կոմիտասի անունը։