ԵԱՀԿ դիտորդները Վրաստանում հանգիստ նախընտրական մթնոլորտ են գրանցել
ԵԱՀԿ՝ մարդու իրավունքների եւ ժողովրդավարական ինստիտուտների հարցերով բյուրոյի միջանկյալ զեկույցի համաձայն՝ Վրաստանում ներկայիս նախագահական քարոզարշավը, նախորդի համեմատ, ավելի հանգիստ է: Զեկույցը հրապարակվել է այսօր, փոխանցում է «Նովոստի-Գրուզիան»:
Փաստաթղթում նաեւ ընդգծվում է, որ խորհրդարանական ընտրություններին նախորդող ժամանակահատվածի համեմատ, լրատվամիջոցները ավելի պակաս բեւեռացված են: ԵԱՀԿ առաքելության դիտորդների կարծիքով՝ լրագրողներն իրադարձություններն ավելի չեզոք տեսանկյունից են լուսաբանում:
Հիշեցնենք, որ Վրաստանում նախագահական ընտրությունները կայանալու են հոկտեմբերի 27-ին:
news.am