Վրաստանում մեքենան 10 մ բարձրությունից ընկել է կիրճը. կա 5 զոհ

Վրաստանի Քոբուլեթիի շրջանում՝ Չաքվիսթավի գյուղի մոտակայքում, ավտոմեքենան 10 մ բարձրությունից ընկել է կիրճը: Մեքենայի բոլոր ուղևորները և վարորդը՝ 5 երիտասարդներ, տեղում մահացել են: Մահացածները մոտ 17 տարեկան պատանիներ են: Նրանցից չորսը 11-րդ դասարանի աշակերտներ են եղել։

Ականատեսների խոսքերով՝ վարորդը կորցրել է մեքենայի կառավարումը, որի հետևանքով մեքենան մայրուղուց դուրս է եկել և ընկել կիրճը։

Հարուցվել է քրեական գործ:

Դժբախտ պատահարի պատճառով Բաթումի քաղաքապետարանը հետաձգել է այսօր նախատեսված Ամանորի տոնածառի բացումը և տոնական համերգը։shantnews.am