Ռուսաստանն ու Վրաստանը վիզային ռեժիմը վերացնելու բանակցությունների հարցում առաջընթաց են գրանցել
Ռուսաստանն ու Վրաստանը շարունակում են աշխատել վիզային ռեժիմը վերացնելու ուղղությամբ, այդ բնագավառում առաջխաղացում կա», հայտարարել է ՌԴ փոխարտգործնախարար Գրիգորի Կարասինը։
«Մենք պետք է հասնենք նրան, որ երկու երկրների քաղաքացիների այցերի ռեժիմն առավելագույնս ազատ լինի», – ընդգծել է փոխնախարարը։ Նա նաեւ հավելել է, որ տրանսպորտային փոխադրումների խնդիրն այժմ առավել ակտուալ է երկու երկրների քաղաքացիների հարաբերություններում եւ հավելել, որ անհրաժեշտ է ձգտել երկու երկրների քաղաքացիների այցերն առավելագույնս ազատ դարձնելուն»։
Նրա խոսքով՝ այս պահին Ռուսաստանի եւ Վրաստանի քաղաքների միջեւ պարբերական ավիահաղորդակցումը վերականգնելու աշխատանք է տարվում, հայտնում է ԻՏԱՌ-ՏԱՍՍ-ը։
«Այժմ դրանք կչարտերային են: Ձգտում ենք այդ չվերթները պարբերական դարձնել: Աշխատանքը մոտենում է ավարտին» – նշել է Գրիգորի Կարասինը:
Իր հերթին՝ Վրաստանի արտգործնախարար Մայա Փանջիկիձեն ողջունել է ՌԴ նախագահ Վլադիմիր Պուտինի հայտարարությունը՝ վիզային ռեժիմի հնարավոր վերացման մասին:
Պուտինը սեր է խոստովանել վրաց ժողովրդին
«Վրաստանն էլ, իր կողմից, ավելի վաղ միակողմանիորեն հեշտացրել էր Ռուսաստանի հետ վիզային ռեժիմը, այդ պատճառով էլ դա ադեկվատ քայլ էր ՌԴ-ի կողմից եւ միանգամայն համապատասխանում էր Աբաշիձե-Կարասին ձեւաչափում ստեղծված բարյացակամության իրավիճակին: Այդ հայտարարությունները կարելի է միայն ողջունել», – լրագրողներին է հայտարարել Մայա Փանջիկիձեն:
Նա նաեւ նշել է, որ Ռուսաստանի հետ հարաբերությունների կարգավորումը չի ենթադրում նահանջ՝ տարածքային ամբողջականության վերաբերյալ հարցերի սկզբունքային դիրքորոշումից:
«Մեր սկզբունքային դիրքորոշումը հասկանալի է՝ երկրի դեօկուպացիա եւ Աբխազիայի ու Հարավային Օսիայի ճանաչված անկախությունների հետկանչում այն երկրների կողմից, որոնք ճանաչել են», – ասել է Փանջիկիձեն, հայտնում է «Նովոստի-Գռուզիան»:
Ըստ նախարարի՝ արտաքին քաղաքականությունում Վրաստանի նպատակն է շարունակում մնալ եվրոպական եւ եվրատլանտյան ինտեգրացիան:
Հիշեցնենք, որ վերջերս տեղի ունեցած մեծ մամուլի ասուլիսի ժամանակ, Ռուսաստանի նախագահ Վլադիմիր Պուտինը չէր բացառել, որ Ռուսաստանը կարող է Վրաստանի հետ առանց վիզայի ռեժիմի վերադառնալ: Ընդ որում նա նշել էր, որ «դա կլիներ երկու երկրների միջեւ հարաբերությունների կարգավորմանն ուղղված քայլ»:
news.am