Ժվանիայի դպրոցի շրջանավարտներին շնորհվեցին վկայականներ

Նինոծմինդայի Զուրաբ Ժվանիայի անվան դպրոցի շրջանավարտներին փետրվարի 12-ին շնորհվեցին վկայականներ :

Այս անգամ ևս 89 սան ստացան պետական լեզու սովորելու վկայական: Մասնակիցները հաջողությամբ հանձնեցին քննությունները A-1, A-2 և B1 խմբերում: A-1 խմբից 30 հոգի ստացան վկայականներ, A-2 խմբից 51 հոգի իսկ ևս 8 հոգի ստացան վկայականներ B-1 խմբից:

Ժվանիայի դպրոցի փոխտնօրեն Պաատա Կլդիաշվիլին տեղական ինքնակառավարման մարմինների ներկայացուցիչների հետ միասին, վկայագրեր է հանձնել պետական լեզվի ուսուցման ծրագրի հաջողակ շրջանավարտներին:

A-2 խումբն ավարտած Լեյլի Պոդոսյանը ասում է. «Ես գիտեի միայն վրացերենի տառերը, քանի որ ավարտել եմ դպրոցը եւ Հայաստանում` ինստիտուտը: Հիմա ես այստեղ եմ ապրում և ուզում եմ լեզու սովորել, քանի որ պետական լեզվի իմացությունը շատ կարևոր է: Ես շատ գոհ եմ վրացերենի դասավանդումից: Ես հաջողությամբ հանձնել եմ քննությունները A-1 և A-2 խմբերում, պատրաստվում եմ շարունակել ուսումը B-1 խմբում:

Հիշեցնենք, որ այս պահին Նինոծմինդայի մունիցիպալիտետի Ժվանիա անունը կրող դպրոցում շարունակում է սովորել ևս 212 սան ՝ տարբեր խմբերում:

Հարկ է նշել, որ պետական լեզվի չիմացությունը զգալի խնդիրներ է ստեղծում ինչպես բնակչության, այնպես էլ պետության համար `թե աշխատանքի, և թե պետական բոլոր հաստատություններում առնչվելու հարցում: Լեզու սովորելը հնարավորություն է տալիս հասարակության մեջ ինտեգրվելուն:

Մանրամասները՝ ռեպորտաժում: