Սահակաշվիլին ԱՄՆ-ում հատուկ իր համար ստեղծված պաշտոն կզբաղեցնի
Վրաստանի նախկին նախագահ Միխայիլ Սահակաշվիլին Facebook սոցցանցում գրել է, որ «պետական ծառայողի բարձր պաշտոն» կզբաղեցնի, որը հատուկ իր համար ստեղծվել է ԱՄՆ-ի Թաֆթսի համալսարանի Ֆլեթչերի անվան իրավունքի եւ դիվանագիտության դպրոցում (The Fletcher School of Law and Diplomacy at Tufts University):
«Այդ պաշտոնն առաջին անգամ է ստեղծվել եւ նախատեսված է նրա համար, որ Թաֆթսի համալսարանի ուսանողները ծանոթանան միջազգային հայտնի առաջնորդների եւ տարբեր բնագավառների փորձի հետ», – հայտարարել է Ֆլեթչերի դպրոցի դեկան Ջեյմս Ստավրիդսը, հայտնում է «ՌԻԱ Նովոստին»:
«Սահակաշվիլին արդեն ելույթ է ունեցել է Փրիսթոնի համալսարանում, մի քանի օրից էլ դասախոսություն է կարդալու Հարվարդի համալսարանում», – նշել է նա:
Հիշեցնենք, 2013թ. վերջին Սահակաշվիլին հայտարարել էր, որ կզբաղվի ԱՄՆ-ի տարբեր համալսարաններում դասախոսություններ կարդալով:
news.am