Նինոծմինդա-Ծալկա-Թբիլիսի ճանապարհը բաց է

Վրաստանի ավտոճանապարհային դեպարտամենտի հաղորդագրությամբ, իրականացված ձնամաքրման աշխատանքների արդյունքում Փարվանայի լեռնանցքում թեթև մարդատար տրանսպորտային միջոցների երթևեկությունը վերականգնվել է:

Այս պահի դրությամբ մերկասառույցի պատճառով միջպետական Կոդա-Փարցխիսի-Մանգլիսի-Ծալկա-Նինոծմինդա ավտոճանապարհի 94-110 կմ հատվածում արգելվում է կցորդով, կիսակցորդով տրանսպորտային միջոցների և 30-ից ավելի նստատեղ ունեցող ավտոբուսների երթևեկությունը, իսկ մնացած տեսակի տրանսպորտային միջոցների համար երթևեկությունն ազատ է: