Նոր կորոնավարակից մահացածների թիվը հասել է 2 461-ի

Նոր կորոնավիրուսից մահացության թիվը հասել է 2 461-ի, իսկ վարակվածների թիվը հասել է 78 767-ի:

Չինաստանի առողջապահության նախարարության տվյալներով, անցած օրվա ընթացքում երկրում գրանցվել է վարակման 648 նոր դեպք, և դրանցից միայն 18-ն են գրանցվել Հուբեյի նահանգից դուրս, որը ամենացածր ցուցանիշն է: Սակայն, առողջապահության համաշխարհային կազմակերպությունը վախենում է, որ վարակի կտրուկ բռնկումը կարող է տեղի ունենալ Չինաստանի սահմաններից դուրս, աշխարհի տարբեր երկրներում:

Մահվան չորս և վարակման 123 նոր դեպք է գրանցվել Հարավային Կորեայում: Իտալիայում վարակվածների թիվը հասել է 79-ի: Վարակը գրանցվել է երկրի հինգ շրջաններում: Ամենաբարդ իրավիճակը Լոմբարդիայում է, որտեղ կա 39 վարակված: Երկու մարդ զոհվել է:

Առողջապահության համաշխարհային կազմակերպության տվյալներով ՝ այս պահին բուժվել է 23 196 մարդ: 1tv.ge

---

---